මත්ද්‍රව්‍ය හා අපරාධ වලට සම්බන්ධ පුද්ගලයන් අත්අඩංගුවට ගැනීම සඳහා ක්‍රියාත්මක කර ඇති සෝදිසි මෙහෙයුම් මාලාවේ තවත් සෝදිසි මෙහෙයුම් කිහිපයක් 2025/07/26 දිනය පුරා ශ්‍රී ලංකා පොලිසියත් පොලිස් විශේෂ කාර්ය බළකායත් ත්‍රිවිධ හමුදාවත් එක්ව සිදු කරන ලදී.
පොලිස් නිලධාරීන්, විශේෂ කාර්ය බලකාය හා ත්‍රිවිධ හමුදාවේ සාමාජිකයන් ඇතුළත්ව 7600කට අධික පිරිසක් සහභාගී වන ලදී. එහිදී පුද්ගලයන් 24343 දෙනෙකු පරීක්ෂාවට ලක් කෙරුණු අතර වාහන 9727 හා යතුරුපැදි 7396 ක ප්‍රමාණයක් පරීක්ෂාවට ලක් කෙරිණ.
මෙම මෙහෙයුම් අතරතුරදී මත්ද්‍රව්‍ය සම්බන්ධ වැරදි සම්බන්ධයෙන් පුද්ගලයන් 1182 ක් අත්අඩංගුවට ගෙන ඇත. ඒ අනුව අයිස් මත්ද්‍රව්‍ය ග්‍රෑම් 230 මිලිග්‍රෑම් 159ක ප්‍රමාණයක් හා හෙරොයින් ග්‍රෑම් 220 මිලිග්‍රෑම් 415ක ප්‍රමාණයක්ද ඇතුළත්ව මත්ද්‍රව්‍ය විශාල ප්‍රමාණයක් අත්අඩංගුවට ගෙන ඇත.
එපමණක් නොව එම විශේෂ වැටලීම්වලදී අපරාධවලට ඍජු ලෙස සම්බන්ධ බවට හඳුනාගත් පුද්ගලයන් 20 දෙනෙකුද අත්අඩංගුවට ගෙන ඇත. එමෙන්ම විවිධ වැරදි සම්බන්ධයෙන් වරෙන්තු කරුවන් 410 දෙනෙකු අත්අඩංගුවට ගෙන ඇත.
එමෙන්ම නීති විරෝධී ගිනි අවි හතරක් ද අත්අඩංගුවට ගෙනඇත.
එමෙන්ම 255 ජූලි මස 18 වන දින සිට 2025 ජූලි මස 24 වන දින දක්වා සතිය තුළ සුළු මධ්‍ය හා මහා පරිමාණ ජාවාරම් කරුවන් අත්අඩංගුවට ගැනීමේ මෙහෙයුම් තුළදී අයිස් මත්ද්‍රව්‍ය කිලෝ 02 ග්‍රෑම් 100කට අධික ප්‍රමාණයක්ද හෙරොයින් කිලෝ 01 ග්‍රෑම් 300කට අධික ප්‍රමාණයක්ද ගංජා කිලෝ 82 අධික ප්‍රමාණයක්ද අත්අඩංගුවට ගැනීමට හැකියාව ලැබී ඇත.
