අනුර ප්රේමලාල්
ශ්රී ලාංකේය සිනමා සංස්කෘතිය අගය කරමින්, එහි හෙට දවස වෙනුවෙන්
ශ්රී ලංකා ජාතික චිත්රපට සංස්ථාව සංවිධානය කරන සුවිශේෂී වැඩසටහන් මාලාව
ප්රධාන සංවත්සර උත්සවය (ආරාධිතයින් සඳහා පමණි)
(21) ප.ව. 3.00 සිටතරංගනී සිනමා ශාලාව – ජාතික චිත්රපට සංස්ථාව
බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිඳුම සුනිල් සෙනවි මහතාගේ ප්රධානත්වයෙන් සහ රාජ්ය නිලධාරීන්ගේ හා සිනමා කලාකරුවන්ගේ සහභාගීත්වයෙන් පැවැත් වේ.
ජාතික චිත්රපට සංස්ථා සිනමා ඩිප්ලෝමාලාභී අනුර දහනායකගේ “සිනමා නදියේ උඩුගං බලා” ග්රන්ථය “චිත්රපට” සඟරාවේ නවතම කලාපය
චිත්රපට අලෙවිකරණය පිළිබඳ Masterclass (ආරාධිතයින් සඳහා පමණි)
(23) පෙ.ව. 9.30 – ප.ව. 1.30ජෝ අබේවික්රම කේන්ද්රය – ජාතික චිත්රපට සංස්ථා පරිශ්රය
සම්පත් දායකත්වය Professor Finola Kerrigan(Marketing Professor – University of Birmingham, UK)
නොමිලේ සංවත්සර චිත්රපට දැක්ම තරංගනී සිනමා ශාලාව – ජාතික චිත්රපට සංස්ථාව
( 22) – (25) දක්වා.සංවත්සර සැමරුම් උළෙල 2026 – සිනමා දැක්ම.
ශ්රී ලාංකේය කතානාද සිනමාවේ 79 වන සංවත්සරය සහ ජාතික චිත්රපට සංස්ථාව පිහිටුවා වසර 54 ක් සපිරීම සනිටුහන් කරමින් මෙම විශේෂ සිනමා උළෙල පැවැත්වේ.
මෙම ප්රදර්ශනය 2026 ජනවාරි 22 සිට 25 දක්වා කොළඹ 07, තරංගණී සිනමා ශාලාවේදී පැවැත්වෙන අතර ඇතුළුවීම නොමිලේ වේ.
මෙහිදී තිරගත වන අග්රගණ්ය සිනමා නිර්මාණ සහ ඒවායේ ඇති විශේෂත්වය
තුංමං හන්දිය (1970) – මහගම සේකරයන් විසින් අධ්යක්ෂණය කරන ලද මෙය, ඔහුගේම ස්වයං ලිඛිත නවකතාවක් ඇසුරින් නිර්මාණය විය. මෙරට ගැමි ජීවිතයේ අව්යාජත්වය සහ කලාව අතර ඇති සබැඳියාව ඉතා සියුම් ලෙස විවරණය කරන මෙම චිත්රපටය, සිංහල සිනමාවේ සලකුණක් බඳු අග්රගණ්ය කෘතියකි.
වත්සලා අක්කා (1985) – සරත් ගුණරත්න විසින් අධ්යක්ෂණය කරන ලද මෙම චිත්රපටය 80 දශකයේ සිනමාවේ සුවිශේෂී සලකුණකි. මානව සබඳතා සහ සමාජ පසුබිම සංවේදීව ඉදිරිපත් කළ නිර්මාණයක් ලෙස මෙය ඇගයීමට ලක්වේ.
කොළඹ සන්නිය (1976) -මානික් සන්ද්රසාගරගේ මෙම චිත්රපටය එකල අතිශය ජනප්රිය වූ, සමාජ කතාබහට ලක්වූ හාස්යෝත්පාදක සිනමා නිර්මාණයකි. නාගරික සහ ග්රාමීය සංස්කෘතීන් අතර ගැටුම හාස්ය මුසු උපහාසයෙන් යුතුව මෙහි ඉදිරිපත් කෙරේ.
මී හරකා අයි. එන්. හේවාවසම්ගේ නිර්මාණයක් වන මෙය, මෙරට සිනමාවේ පර්යේෂණාත්මක සහ යථාර්ථවාදී ප්රවේශයක් ගත් චිත්රපටයකි. ග්රාමීය තරුණයෙකුගේ මානසිකත්වය සහ ලිංගිකත්වය වැනි මාතෘකා නිර්භීතව සාකච්ඡා කිරීම මෙහි විශේෂත්වයකි.
සාරවිට තිස්ස ලියනසූරිය අධ්යක්ෂණයෙන් හැඩ වූ ජෝ අබේවික්රමයන්ගේ විශිෂ්ට රංගන ප්රතිභාවක් දැකිය හැකි චිත්රපටයකි. ‘සාරයියා’ නම් අහිංසක චරිතය හරහා සමාජයේ විවිධ පැතිකඩ නිරූපණය කෙරෙන මෙම චිත්රපටය රසික හදවත් දිනාගත් සම්භාව්ය කෘතියකි.
හුලවාලි (1976) ඩබ්ලිව්. ඒ. බී. ද සිල්වාගේ අධ්යක්ෂණයක් වන මෙය, ගැමි සංස්කෘතිය, කුලය සහ මානව සබඳතා තේමා කරගත් චිත්රපටයකි. රංගන ශිල්පීන්ගේ ප්රබල රංගනයෙන් සහ සජීවී පසුබිම් දර්ශනවලින් මෙය හැඩවී ඇත.
එදත් සූරයා අදත් සූරයා (1972) –
ලෙනින් මොරායස් අධ්යක්ෂණය කළ ගාමිණී ෆොන්සේකා ප්රධාන චරිතය හෙබවූ අතිශය ජනප්රිය වාණිජ සිනමා සිත්තමකි. සිංහල සිනමාවේ “සුපිරි තරුව” (Superstar) යන සංකල්පය තහවුරු කළ, ක්රියාදාම සහ විනෝදාස්වාදය සපිරි නිර්මාණයකි.
මගේ වම් අත (2002) -ලින්ටන් සේමගේගේ මෙම නිර්මාණය නූතන සිනමාවේ කලාත්මක ගුණාංගවලින් පොහොසත් සම්මානනීය චිත්රපටයකි. අන්තර්ජාතික සිනමා උළෙලවල් පවා නියෝජනය කළ මෙය, සිනමා රූප රාමු භාවිතය පිළිබඳ මනා නිදසුනකි.
මෙම චිත්රපට උළෙල නැරඹීම සඳහා ප්රේක්ෂක ඔබ සැමට ඉතා ගෞරවයෙන් ආරාධනා කර සිටිමු.
සිනමා ශිල්පීන් සඳහා නොමිලේ වෛද්ය සායනය(31) (සෙනසුරාදා) පෙ.ව. 9.30 – ප.ව. 3.00 ජාතික චිත්රපට සංස්ථා පරිශ්රය
