කොළඹ කොටුව පොලිස් ස්ථානයේ පිහිටි විශේෂ විමර්ශන ඒකකයේ නිලධාරියෙකු හට නව කොරෝනා වෛරසය ආසාදනය වී ඇති බවට තහවුරු වී ඇති බව කොවිඩ් 19 පැතිරිම වැළැක්වීමේ ජාතික ක්‍රියාන්විත මධ්‍යස්ථානය සඳහන් කර සිටිනවා.
මෙම නිලධාරියාට කොරෝනා වෛරසය ආසාදනය වී ඇති බවට තහවුරැ වීමත් සමග කොළඹ, කොටුව පොලිස් ස්ථානයේ නිලධාරින් පිරිසක් නිරෝධයනයට යොමු කොට ඇත.
මේ අතර නව කොරෝනා වෛරසය ආසාදනය වූ තවත් ආසාදිතයින් 60 දෙනෙකු අද වාර්තා වුණා. මෙම ආසාදිතයින් පිරිස කටුනායක ඇඟළුම් කර්මාන්ත ශාලා දෙකක සේවය කරනු ලබන පිරිස් වේ.
ඒ අනුව කටුනායක ඇඟළුම් කර්මාන්ත ශාලාවන් ආශ්‍රිතව වාර්තා වන සමස්ත කොරෝනා රෝගීන් සංඛ්‍යාව 259ක් දක්වා ඉහළ ගොස් ඇත.
කටුනායක NEXT ඇගළුම් කම්හලේ සේවකයින් 209ක් සහ Chiefway කම්හලේ සේවකයින් 50 දෙනෙකුට මෙලෙස වෛරසය ආසාදනය වී ඇත.
