රාජ්‍ය ඇමැති විමලවීර දිසානායකගේ නියෝග ක්‍රියාත්මක කිරීමට නොහැකි බව පැවසූ පොළොන්නරුව වනජීවී නිලධාරීන් දෙදෙනා සම්බන්ධව වනජීවී සංරක්ෂණ දෙපාර්තමේන්තුව විසින් විනය පරීක්ෂණයක් අරඹා ඇත.
වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙළවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය ඇමැති විමලවීර දිසානායක කරන ලද ඉල්ලීමකට අනුව මෙම විනය පරීක්ෂණය සිදු කරන බව වනජීවී සංරක්ෂණ දෙපාර්තමේන්තුවේ වෘත්තීය සමිති නියෝජිතයෝ පවසති.
ඒ අනුව, නිලධාරීන් දෙදෙනාට එරෙහි විනය පරීක්ෂණයේ මූලික කටයුතු වනජීවී සංරක්ෂණ දෙපාර්තමේන්තුව විසින් ඊයේ (07 වැනිදා) අරඹා තිබුණි.
