නීතිවිරෝධි මත්ද්‍රව්‍ය හා වැලි ජාවාරමුන් එස්.ටී.එෆ්.අත්අඩංගුවට.

පොලිස් විශේෂ කාර්ය බලකාය සිට දෛනික වැටලීම්වලදි (15) කේරළ ගංජා සහ කඩුවක් ළඟ තබාගෙන සිටි අයකු අත්අඩංගුවට ගෙන වැඩිදුර විමර්ශන කටයුතු සඳහා මොරටුව පොලිස් ස්ථානය වෙත භාරදි තිබේ. ගෝනහේන කඳවුරේ නිලධාරි පිරිසක් හෙරොයින් ළඟ තබාගෙන සිටි අයකු අත්අඩංගුවට ගෙන වැඩිදුර විමර්ශන සඳහා ගම්පහ පොලිස් ස්ථානය වෙත භාරදි ඇත. පූගොඩ කඳවුරේ නිලධාරි පිරිසක් නීතිවිරෝධි මත්පැන් ළඟතබාගෙන සිටි අයකු අත්අඩංගුවට ගෙන වැඩිදුර විමර්ශන කටයුතු සඳහා පූගොඩ පොලිස් ස්ථානය වෙත භාරදි තිබේ. පුත්තලම කඳවුරේ නිලධාරි පිරිසක් සිදුකළ වැටලීම් දෙකකදී බලපත්‍ර නැතිව වැලි කැණීම් කර පටවා ප්‍රවාහනය සඳහා සූදානම් කරමින් සිටි පුද්ගලයින් දෙදනකු අත්අඩංගුවට ගෙන වැඩිදුර විමර්ශන සඳහා හලාවත පොලිස් ස්ථානය වෙත භාරදි ඇත.