ශ්‍රී ලංකා යුනෙස්කෝ හවුල්කාරීත්වයේ 75 වෙනි සංවත්සර සැමරුම් උළෙල අග්‍රාමාත්‍ය දිනේෂ් ගුණවර්ධන, අධ්‍යාපන අමාත්‍ය ආචාර්ය සුසිල් ප්‍රේමජයන්ත යන මහත්වරුන්ගේ ප්‍රධානත්වයෙන් නෙළුම්පොකුණ රඟහලේ දී පැවති අතර ඒ සඳහා ප්‍රධාන ආරාධිතයකු වශයෙන් යුනෙස්කෝ අධ්‍යක්ෂ ජෙනරාල් ඌද්‍රෙ ඇසුලෙ (Audrey Azoulay) මහත්මිය ද සහභාගී වූවා ය.
මෙහි දී පාසල් ළමුන් විසින් මෙරට සංස්කෘතිකාංග ඇතුළත් ප්‍රසංගයක් ඉදිරිපත් කරන ලදි. මේ අවස්ථාවට තානාපතිවරුන්, මැති ඇමතිවරුන් අධ්‍යාපන අමාත්‍යාංශ නිලධාරීන් සහභාගී වී සිටියහ.
