කොවිඩ් – 19 පැතිරීම වැළැක්වීමේ ජාතික ක්‍රියාන්විතය වඩාත් ශක්තිමත් කරමින් සෞඛ්‍ය අංශ විසින් සිදුකරනු ලබන එන්නත්කරණ වැඩසටහන වඩාත් කාර්යක්‍ෂමව සහ ක්‍රමවත්ව සිදුකිරීම සදහා ශ්‍රී ලංකා යුද්ධ හමුදාවේ භටපිරිස් අද (අගෝස්තු 04) දිනයේදි එන්නත්කරණ වැඩසටහන් සඳහා තම දායකත්වය ලබා දුන්හ.
අතිගරු ජනාධිපති ගෝඨාභය රාජපක්‍ෂ මහතා කල ඉල්ලීමකට අනූව කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථාන ප්‍රධානී, ආරක්‍ෂක මාණ්ඩලික ප්‍රධානී සහ යුද්ධ හමුදාධිපති ජෙනරල් ශවේන්ද්‍ර සිල්වාගේ මගපෙන්වීම යටතේ, ශ්‍රී ලංකා යුද්ධ හමුදා වෛද්‍ය බලකාය සහ අනෙකුත් යුද්ධ හමුදා භටපිරිස් විසින් මේ සදහා දායකත්වය ලබා දෙති.
අද දින (අගෝස්තු 04) කොළඹ විහාර මහදේවි උද්‍යානය පිහිටි 24 පැය පුරා ක්‍රියාත්මක වන යුද හමුදා එන්නත්කරණ මධ්‍යස්ථානයේදී අලුයම 0530 පමණ වන විටත් එන්නතකරය සිදුකරගැනීම සදහා පැමිණි මහජනතාව අපගේ කැමරා කාචයට හසු වන ලදී. බස්නාහිර පලාත තුල පදිංචි ඇස්ට්‍රා සෙනෙකා පළවන මාත්‍රාව ලබාගත් විශාල පිරිසකට මේ වන විට එන්නතකරණය සිදුකරනු ලැබීය.
එම එන්නත් එන්නතකරණ වැඩසටහනේදී ලබාගත් ඡායාරූප මේ සමග ඉදිරිපත් කරනු ලබන අතර, මෙය ඔබගේ පුවත්පතේ සහ වෙබ් අඩවියේ පළකිරීම සඳහා කාරුණිකව ඉදිරිපත් කරනු ලැබේ.
කොවිඩ් – 19 පැතිරීම වැළැක්වීමේ ජාතික ක්‍රියාන්විතය වඩාත් ශක්තිමත් කරමින් සෞඛ්‍ය අංශ විසින් සිදුකරනු ලබන එන්නත්කරණ වැඩසටහන වඩාත් කාර්යක්‍ෂමව සහ ක්‍රමවත්ව සිදුකිරීම සදහා ශ්‍රී ලංකා යුද්ධ හමුදාවේ භටපිරිස් එන්නත්කරණ වැඩසටහන් සඳහා තම දායකත්වය ලබා දුන්හ.
