තලංගම පොලිස් ස්ථානයේ නිලධාරීන්ට ලැබුණු තොරතුරක් අනුව ඊයේ(05) එම පොලිස් වසමේ මෙහෙයුමක් සිදුකොට තලවතුගොඩ හා කහන්තොට ප්‍රදේශවල කේරළ ගංජා කිලෝ එකොළහයි ග්‍රෑම් නවසිය පහළොවක් ළඟ තබාගෙන සිටි සැකකරුවන් දෙදනකු අත්අඩංගුවට ගෙන තිබෙනවා.
මෙම සැකකරුවන් දෙදෙනා නාවල පිටිය සහ රාජගිරිය ප්‍රදේශවල පදිංචි වයස අවුරුදු විසි නවයේ හා තිස්හයේ අයවේ. මොවුන් පිළිබඳ වැඩිදුර විමර්ශන කටයුතු සඳහා අද(06)කඩුවෙල අධිකරණයට ඉදිරිපත් කර රැඳවුම් නියෝග ලබාගැනීමට නියමිත අතර වැඩිදුරට විමර්ශන තලංගම පොලිසිය සිදුකිරීමට නියමිතයි.
