මත්ද්‍රව්‍ය ජාවාරමේ හා ස්ත්‍රී
දූෂණයේ යෙදුණු පුද්ගලයෙකු
විශේෂ කාර්ය බලකායේ
නිලධාරීන්ගේ අත්අඩංගුවට.
විශේෂ කාර්ය බලකාය
සංවිධානාත්මක අපරාධ මර්දන
ඒකකය 1හි නිලධාරීන්ට ලැබුණු
තොරතුරකට අනුව ස්ථානාධිපති
පොලිස් පරීක්ෂක
පි.කේ.ඩී.ආර්.ඒ.කේ. දිසානායක
ඇතුළු නිලධාරී කණ්ඩායමක් (04)
අගුණකොළපැලැස්ස පොලිස්
වසමේ පුරාණ විහාරය, තෙරුංගම,
කි.මී. 15 කණුව අසල දී වැටලීමක්
සිදුකර ඇත.
එහිදී කේරළ ගංජා සන්තකයේ
තබාගෙන සිටි වලස්මුල්ල
ප්‍රදේශයේ වයස අවුරුදු 33 ක
පුද්ගලයෙකු අත්අඩංගුවට ගෙන
වැඩිදුර විමර්ශන කටයුතු සඳහා
අගුණකොළපැලැස්ස පොලිස්
ස්ථානය වෙත භාර දී ඇත.
තවද මෙම පුද්ගලයා 2013
වර්ෂයේ සිදුකරන ලද ස්ත්‍රී
දුෂණයක් සම්බන්ධයෙන් තංගල්ල
මහාධිකරණයේ නඩුවක් විභාග
වෙමින් පවතින බවත්, සැකකරු
ලංගම බස් රථයක රියදුරු මහතකු
සමඟ ඇති කරගත් ගැටුමක්
සම්බන්ධයෙන් මොරටුව
අධිකරණයේ නඩුවක් විභාග
වෙමින් පවතින බවත්, පුද්ගලයන්
පිරිසක් සමඟ ඇති කරගත් ගැටුමක්
සම්බන්ධයෙන් වලස්මුල්ල
අධිකරණයේ නඩුවක් විභාග
වෙමින් පවතින බවත්, මොහුට
විරුද්ධව නීති විරෝධී මත්ද්‍රව්‍ය
ජාවාරම් සිදු කිරීමට අදාලව හා නීති
විරෝධී ක්‍රියා සිදුකිරීම
සම්බන්ධයෙන්
අගුණකොළපැලැස්ස පොලිස්
ස්ථානය මගින් අධිකරණයේ නඩු
කිහිපයක් ගොනුකර ඇති බවටත්
කරුණු වාර්තා වී ඇත.
අත්අඩංගුවට
ගත් සැකකරු තිහගොඩවත්ත,
විදිකන්ද, වලස්මුල්ල ප්‍රදේශයේ
පදිංචිකරුවෙකී. වයස අවුරුදු
තිස්තුනකී. නම ජිවන් ප්‍රසාද් කුමාර
නම් මොහු අත්අඩංගුවට ගන්නා
අවස්ථාවේදී කේරළ ගංජා කිලෝ
03 යි, ග්‍රැම් 350යි ළඟ
තබාගෙන තිබි සොයාගෙන ඇත.
එය වෙළෙඳපොළ වටිනාකම
රුපියල් ලක්ෂ පහකට අධිකවේ.
මේ අතර පොලිස් විශේෂ කාර්ය
බලකායේ දෛනික වැටලීම්වලදී
සංවිධානාත්මක අපරාධ මර්දන
ඒකකය 11හි නිලධාරින්
කණ්ඩායමක් කෙසෙල්වත්ත
පොලිස් වසමේ හෙරොයින් ළඟ
තබාගෙන සිටි අයකු අත්අඩංගුවට
ගෙන වැඩිදුර විමර්ශන සඳහා
කෙසෙල්වත්ත පොලිස් ස්ථානය
වෙත භාරදී තිබේ. බුද්ධි
කොට්ඨාසයේ නිලධාරී
කණ්ඩායමක් බොරැල්ල පොලිස්
වසමේදී අයිස් මත්ද්‍රව්‍ය ළඟ
තබාගෙන සිටි අයකු අත්අඩංගුවට
ගෙන වැඩිදුර විමර්ශන සඳහා
බොරැල්ල පොලිස් ස්ථානය වෙත
භාරදී ඇත. විශේෂ මෙහෙයුම්
ඒකකය 11 හී නිලධාරී
කණ්ඩායමක් නවගමුව පොලිස්
වසමේදී කේරළ ගංජා ළඟ
තබාගෙන සිටි අයකු අත්අඩංගුවට
ගෙන වැඩිදුර විමර්ශන සඳහා
නවගමුව පොලිස් ස්ථානය වෙත
භාරදී තිබේ. සෙට්ටිකූලම් කඳවුරේ
නිලධාරී කණ්ඩායමක් වව්නියාව
පොලිස් වසමේදී කේරළ ගංජා ළඟ
තබාගෙන සිටි අයකු අත්අඩංගුවට
ගෙන වැඩිදුර විමර්ශන කටයුතු
සඳහා වව්නියාව පොලිස් ස්ථානය
වෙත භාරදී ඇත. කුරුණෑගල
කඳවුරේ නිලධාරී කණ්ඩායමක්
හෙට්ටිපොල පොලිස් වසමේ
කේරළ ගංජා ළඟ තබාගෙන
ප්‍රවහනය කරමින් සිටි අයකු
අත්අඩංගුවට ගෙනන වැඩිදුර
විමර්ශන සඳහා හෙට්ටිපොළ
පොලිස් ස්ථානයට භාරදී තිබේ.
සංවිධානාත්මක අපරාධ මර්දන
ඒකකය11 නිලධාරීන්
කණ්ඩායමක් ගල්කිස්ස පොලිස්
වසමේදී මත් පෙති හා කේරළ ගංජා
ළඟ තබාගෙන සිටි කාන්තාවක්
අත්අඩංගුවට ගෙන වැඩිදුර
විමර්ශන සඳහා ගල්කිස්ස පොලිස්
ස්ථානය වෙත භාරදි ඇත. එමෙන්ම
ගෝනහේන කඳවුරේ නිලධාරී
පිරිසක් කටුනායක පොලිස් වසමේ
නීති විරෝධි දුම්වැටි ළඟ තබාගෙන
සිටි අයකු අත්අඩංගුවට ගෙන
වැඩිදුර විමර්ශන සඳහා කටුනායක
පොලිස් ස්ථානය වෙත භාරදී තිබේ.
පුත්තලම කඳවුරේ නිලධාරී
කණ්ඩායමක් නොරොච්චෝලේ
පොලිස් වසමේදී නීති විරෝධි
මත්පැන් හා ඒවා පෙරීමේ
උපකරණ ළඟ තබාගෙන සිටි අයකු
අත්අඩංගුවට ගෙන වැඩිදුර
විමර්ශන සඳහා නොරොච්චෝලේ
පොලිස් ස්ථානය වෙත භාරදි ඇත.
මහඔය කඳවුරේ නිලධාරී
කණ්ඩායමක් හා මහඔය පොලිස්
ස්ථානයේ නිලධාරි පිරිසක් සමග
ඒකාබද්ධව මහඔය පොලිස්
වසමේදී බලපත්‍ර රහිතව
කොන්දේසි උල්ලංඝනය කරමින්
වැලි ප්‍රවහනය කරමින් සිටි අයකු
අත්අඩංගුවට ගෙන වැඩිදුර
විමර්ශන සඳහා මහඔය පොලිස්
ස්ථානය වෙත භාරදි ඇත. වාකරේ
කඳවුරේ නිලධාරී කණ්ඩායමක්
වාකරේ පොලිස් වසමේදී වලංගු
බලපත්‍රයක් රහිතව වැලි පටවමින්
සිටි සිව්දෙනකු අත්අඩංලගුවට
ගෙන වැඩිදුර විමර්ශන සඳහා
වාකරේ පොලිස් ස්ථානය වෙත
භාරදි තිබේ.
