තුන්වන Global SWAT Challange තරඟය නැරඹීමට ශ්‍රී ලංකා මහජන ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර මහතාට ඩුබායි පොලිසියේ ප්‍රධානී ලුතිනන් ජෙනරාල් අබ්දුල්ලා අල් මාරි ආරාධනා කර තිබේ.
ලෝක පොලිස් සමුලුවට එක් වීමෙන්,අනතුරුව මහජන ආරක්ෂක අමාත්‍යවරයා මේ තරගාවලිය සදහා සහභාගි විය.මෙම තරගාවලිය සදහා සහභාගී වූ රටවල් අතර ශ්‍රී ලංකා විශේෂ කාර්ය බලකායෙ සහකාර පොලිස් අධිකාරී කේෂර රත්නවීරගේ නායකත්වයෙන් යුත් විශේෂ අවි සහ උපක්‍රම (SWAT) කණ්ඩායමද විය. මෙය (15) පැවැත්විණි.
විශේෂ කාර්ය බළකායේ අවි හා උපක්‍රම ( SWAT) කණ්ඩායමඅමතමින් අමාත්‍ය වීරසේකර මහතා ප්‍රකාශ කළේ ත්‍රස්තවාදයට සහ අපරාධවලට එරෙහිව සටන් කිරීමේදී පොලිස් විශේෂ කාර්ය බලකාය ලංකාව තුළ අද්විතීය කාර්යභාරයක් ඉටු කර ඇති බවයි. තුන්වන වරට පවත්වන ජාත්‍යන්තර විශේෂ අවි හා උපක්‍රම කණ්ඩායම් අතර තරගාවලිය ( Global SWAT Challange ) සඳහා පොලිස් විශේෂ කාර්ය බලකායෙ සහභාගීත්වය ඔවුන්ගේ නායකත්වය සහ විශිෂ්ඨ පුහුණුව ජාත්‍යන්තර පිළිගැනීමක් ලද බව අමාත්‍ය ආචාර්ය සරත් වීරසේකර මහතා පැවසුවේය. ලොව ප්‍රබල සටන්කාමී පොලිස් ඒකක සමඟ එක්ව ශ්‍රී ලංකාව නියෝජනය කළ පොලිස් විශේෂ කාර්ය බලකායේ විශේෂ අවි හා උපක්‍රම කණ්ඩායම දක්වන ලද සුවිශේසී දක්ෂතාවයන් ප්‍රදර්ශනය කිරීම සම්බන්ධයෙන් 20 දෙනෙකුගෙන් යුත් කණ්ඩායම් දෙකට අමාත්‍ය ආචාර්ය සරත් වීරසේකර මහතා ප්‍රශංසා කළේය.
ජාත්‍යන්තර විශේංෂ අවි හා උපකුම කංඩායමි අතර අභියෝගතා තරගාවලියේදී (Global SWAT Challange ) බටහිර රටවල් නියෝජනය කල පොලිස් SWAT ඒකක ද අභිබවා අබුඩාබි පොලිසිය පළමු ස්ථානයට පත් විය. ඩුබායි පොලිසියේ SWAT ප්‍රධානී මේජර් ජෙනරාල් අබ්දුල්ලා අලි අබ්දුල්ලා අල් ගිති ශ්‍රී ලංකා STF SWAT කණ්ඩායම විශේෂ ඇගයීමට ලක් කළේය. එක්සත් අරාබි එමීර් රාජ්‍යයේ SWAT Challange තරඟාවලියට ශ්‍රී ලංකාව නියෝජනය කිරීමට තේරී පත් වූ විශේෂ කාර්ය බළකායේ නිලධාරීන්ට අමාත්‍ය ආචාර්ය සරත් වීරසේකර මහතා ඇගයිමට ලක්කළේය.
