බේරුවල මුහුදු තීරයේදී හෙරොයින් මෙරටට රැගෙන ඒම සම්බන්ධ බහුදින ධීවර යාත්‍රාවක් සහ සැකකරුවන් කිහිප දෙනකු රාජ්‍ය බුද්ධි සේවයේ සහ ශ්‍රී ලංකා නාවික හමුදාවේ සහාය ඇතිව පොලිස් මත්ද්‍රව්‍ය කාර්යාංශය අත්අඩංගුවට ගෙන ඇත.
මෙම මත්ද්‍රව්‍ය තොගය මෙරටට ගෙන්වීමට මෙරට සිට මෙහෙයවු සැකකරුවකු බවට සැකකරනු ලබා කළුදුර චමින්ද තාබ්‍රේව් නොහොත් බොබ් මාලි නැමැති වයස හතළිස් එකක් වන මාලඹේ ප්‍රදේශයේ පදිංචි පුද්ගලයකු (09) ඇල්පිටිය පොලිස් වසමේ කැටපොල ප්‍රදේශයේ නිවසක සැඟව සිටියදී පොලිස් මත්ද්‍රව්‍ය කාර්යාංශයේ නිලධාරීන් අත්අඩංගුවට ගෙන ඇත. සැකකරු අත්අඩංගුවට ගන්නා අවස්ථාවේදී ඔහු ළඟ තිබි හෙරොයින් ග්‍රෑම් 100ක්ද පොලිස් භාරයට ගෙන ඇත.
සැකකරුට සැඟව සිටීමට ආධාර අනුබල දුන් සැකකරුගේ බිරිඳවන වයස අවුරුදු 34ක්වු කාන්තාව සහ වයස අවුරුදු 47ක්වන කැටපොල ප්‍රදේශයේ සැඟව සිටි නිවසේ අයිතිරකරුද පොලිස් අත්අඩංගුවට ගෙන තිබේ. පොලිස් මත්ද්‍රව්‍ය කාර්යාංශය වැඩිදුර විමර්ශන පවත්වාගෙන යයි.
