අනුර බී. සෙනෙවිරත්න ලියයි.
චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුව ලෝක දේශපාලන පක්ෂවල ඒකාබද්ධ ප්‍රකාශයක් නිකුත් කිරීම සඳහා පසුගිය සඳුදා රටවල් සහ කලාප 140 ක දේශපාලන පක්ෂ, සමාජ සංවිධාන සහ චින්තන කණ්ඩායම් 355 ක් විවිධ ආකාරවලින් සම්බන්ධ කර ගත්තේ ය.
ප්රජාතන්ත්රවාදය කරා යන මාවත ගවේෂණය කිරීම සහ පොදු සංවර්ධනය ප‍්‍රවර්ධනය කිරීම සඳහා එකට වැඩ කිරීම වෙනුවෙන් ස්වාධීන උත්සාහයන් දැරීම එහි අපේක්ෂාව යි.
දේශපාලන ශිෂ්ටාචාරයේ ප්‍රගමනයේ දී ප්රජාතන්ත්රවාදය මනුෂ්‍යත්වයේ වැදගත් ජයග්‍රහණයක් නියෝජනය කරන බවත්, ප්රජාතන්ත්රවාදය මුවාවෙන් වෙනත් රටවල අභ්‍යන්තර කටයුතුවලට ඇඟිලි ගැසීමට එරෙහිව අදාළ ප්රජාතන්ත්රවාදී ක්‍රමයක් සහ සංවර්ධන ආකෘතියක් ලොව කිසිදු රටකට
නොමැති බවත් එම ප්රකාශය අවධාරණය කර සිටී.
එම ප්‍රකාශයට අනුව මානව ශිෂ්ටාචාරවල ආකර්ෂණීය ලක්‍ෂණය රඳා පවතින්නේ විවිධත්වය තුළ ය. විවිධ රටවල් සහ ප්‍රදේශ අවශ්‍යයෙන් ම එක ම ඉතිහාසය, සංස්කෘතිය, සමාජ ක්‍රමය සහ සංවර්ධන අදියර බෙදා නොගැනීම නිසා ඔවුන් ප්රජාතන්ත්රවාදය සාක්ෂාත් කර ගන්නා ආකාරය සහ විධි එකිනෙක රටවලට අනුව වෙනස් විය හැකි ය.
සෑම රටකට ම ගැලපෙන කිසිදු ප්රජාතන්ත්රවාදී ක්‍රමයක් හෝ සංවර්ධන රටාවක් නොමැති හෙයින්, ලොව පුරා විවිධ දේශපාලන ක්‍රම තනි මිම්මකින් විනිශ්චය කිරීමේ හෝ මානව වර්ගයාගේ වර්ණවත් දේශපාලන ශිෂ්ටාචාරයන් තනි වර්ණයකින් නිරීක්ෂණය කිරීමේ ප්‍රතිපත්තියක් නොමැති බවත්, එසේ තිබීම ප්‍රජාතන්ත්‍ර විරෝධී බවත් එම ප්‍රකාශයේ සඳහන් වේ.
රටක් ප්රජාතන්ත්රවාදී ද යන්න පිළිබඳ විනිශ්චය රඳා පවතින්නේ ජනතාවට රටේ සැබෑ ස්වාමිවරුන් විය හැකි ද, ජනතාවට ඡන්ද අයිතිය භුක්ති විඳිය හැකි ද, ඔවුන්ගේ පුළුල් සහභාගීත්වයේ අයිතිය සහතික කර තිබේ ද, මැතිවරණ ප්‍රචාරණයේ දී ලබා දෙන පොරොන්දු මැතිවරණයෙන් පසු ඉටු කරන්නේ ද, නියමිත දේශපාලන රෙගුලාසි සහ නීති දැඩි ලෙස ක්‍රියාත්මක කරන්නේ ද, බලය ක්‍රියාත්මක කිරීම සැබවින් ම ජනතාවගේ අධීක්‍ෂණයට හා සංයමයට යටත්ද යන්න මත බව එම ප්‍රකාශයේ අදහස ය.
ප්රජාතන්ත්රවාදය යනු සුළු පිරිසකගේ සුවිශේෂී වරප‍්‍රසාදයකට වඩා සියලූ ජන කොටස්වල අයිතිය බවත්, රටක් ප්රජාතන්ත්රවාදී ද නැද්ද යන්න පිළිබඳ විනිශ්චය එම රටවල ජනතාව විසින් සිදු කළ යුතු බවත් එම ප්රකාශය පෙන්වා දී තිබේ.
යුගයේ ප්‍රවණතාව වන්නේ, ජාත්‍යන්තර සබඳතා වඩාත් ප්රජාතන්ත්රවාදී කිරීම බවත්, මෙය සාක්ෂාත් කර ගැනීමට ඇති එකම මාර්ගය සැබෑ බහුපාර්ශ්විකත්වය ප්‍රායෝගිකව ක්‍රියාවට නැංවීම බවත් එම ප්රකාශය පෙන්නුම් කරයි.
සාමය, සංවර්ධනය, සාධාරණත්වය, යුක්තිය, ප්රජාතන්ත්රවාදය සහ නිදහස ඇතුළත් පොදු අනාගතයක් සහිත මානව ප්‍රජාවක් නිර්මාණය කිරීම සඳහා එක්වන ලෙස මෙම ප්රකාශය ආයාචනා කර තිබේ.
එසේ ම, විවිධ සමාජ පද්ධති, මතවාද, ඉතිහාසය, සංස්කෘතීන් සහ සංවර්ධන මට්ටම් ඇති රටවල් ජාත්‍යන්තර කටයුතුවල දී අවශ්‍යතා, අයිතිවාසිකම් සහ වගකීම් බෙදාහදා ගනිමින් වඩා හොඳ ලෝකයක් ගොඩනැගීම සඳහා සාමූහිකව වැඩකිරීමට එකට එක්වන මෙන් එම ප්රකාශය වැඩිදුරටත් ඉල්ලා සිටී.෴
